Къарачайым - Малкъарым Хасан Хубиев




Список песен исполнителя Хасан Хубиев

Хасан Хубиев - Къарачайым - Малкъарым

Исполнитель: Хасан Хубиев

Название: Къарачайым - Малкъарым

Читали раз: 750

Текст песни:

Музыка и стихи Хасана Хубиева.

Къууанч уллуд Къарачайда, Малкъарда,
Тау макъамла эштиледи хар къайда.
Тар ёзенле джарыкъ джырладан толуб,
Узакъ барад эжиу бла орайда.

Припев
Бир ананы эки эгиз джашыча,
Минги Тауну эки кюмюш башыча,
Тау къушну да эки деу къанатыча,
Алайсыз сиз, Къарачаим-Малкъарым.

Джыйылгъанбыз, джырыбызха сый бере,
Къарачайда быйыл энтда бир кере.
Джюрекледен келген ариу джырланы
Джырлайбыз биз, джарыкъ кёзлени кёре.

Припев.

Джырларыбыз бизге себеб берсинле,
Кюн таякъча, хар бир юйге кирсинле.
Къартларыбыз берген джырла сакълана,
Ёмюрледен ёмюрлеге ётсинле.

Припев.

Эки миллет бир иннетли болайыкъ
Бир къууанчдан, бир насыбдан толайыкъ.
Арабызда таула чырмау болмазча,
Джюреклеге ачыкъ джолла салайыкъ.

Припев.



Комментарии:

Добавить комментарий